Erlent

Tíu tíma tók að telja peningana

Óli Kristján Ármannsson skrifar
Sýna seðlana. Ítalskir lögreglumenn þurftu að telja í höndunum evruseðla sem hald var lagt á í þorpinu Villaricca, nærri Napólí, á suðurhluta Ítalíu í gær. Talningarvélar réðu ekki við pappírinn.
Sýna seðlana. Ítalskir lögreglumenn þurftu að telja í höndunum evruseðla sem hald var lagt á í þorpinu Villaricca, nærri Napólí, á suðurhluta Ítalíu í gær. Talningarvélar réðu ekki við pappírinn. Fréttablaðið/EPA
Lögregla á Ítalíu hefur gert upptækar 53 milljónir í fölsuðum evruseðlum sem fundust í kjallara íbúðarhúss í þorpinu Villaricca, nærri Napólí, á Ítalíu. Lögreglan kynnti fund sinn á blaðamannafundi í gær. Er þetta með hæstu upphæðum sem fundist hafa í fölsuðum seðlum.

Upphæðin var í 100, 50, 20 og 10 evruseðlum og tók lögreglu um tíu stundir að telja þá í höndunum, að sögn La Repubblica. Peningatalningarvélar réðu ekki við seðlana, sem þó eru sagðir haganlega gerðir.

Húseigandinn, 51 árs karl að nafni Antonio Sgambat, var handtekinn á staðnum. Hann verður kærður fyrir sinn þátt en lögregla rannsakar enn hvar seðlarnir voru framleiddir og hvernig þeim var komið í umferð.




Fleiri fréttir

Sjá meira


×