Kastaðist úr bílnum í árekstri og gekk í burtu – Myndband

Myndband náðist á mælaborðsvél lögreglubíls af ökumann bíls kastast úr honum eftir að hann missti stjórn á bílnum í hálku. Maðurinn stóð þó upp, greinilega vankaður og gekk að bíl sínum. Lögreglan birti myndbandið til að minna fólk á að vera í öryggisbeltum.

Edward Wallace, sem er 26 ára gamall, slapp með einungis smávægileg meiðsl. Héraðsmiðlar segja frá því að rannsókn hafi leitt í ljós að Wallace hafi keyrt of hratt miðað við aðstæður. Hann missti stjórn á bílnum, lenti aftan á öðrum bíl og á steypt vegrið. Þá snerist bíllinn yfir fjórar akreinar og lenti á vegriði hinu megin, eftir að Wallace kastaðist út um gluggann og á hraðbrautina.