Bandaríska hip-hop sveitin Public Enemy tróð upp á tónlistarhátíðinni ATP í Reykjanesbæ í kvöld. Sveitin spilaði í rúman klukkutíma, tók öll sín bestu lög og salurinn söng með.

Þegar tónleikunum lauk sagði Flavor Flav, einn af meðlimum bandsins, við tónleikagesti:

„Þetta eru bestu móttökur sem við höfum nokkurn tímann fengið!“

Um 4000 manns eru á hátíðinni og er stemningin frábær að sögn blaðamanns Vísis sem er á svæðinu. Hann segir veðrið milt en nokkuð blautt.