Real ríkasta liðið tíunda árið í röð

Real Madrid er enn eitt árið í efsta sæti á lista Deloitte yfir ríkustu knattspyrnufélög heims.

Þetta er tíunda árið í röð sem spænska félagið er í efsta sæti listans. Man. Utd stekkur upp úr fjórða sæti í annað sætið.

Tuttugu stærstu félögin auka hagnað sinn um samtals 14 prósent. Nýr sjónvarpssamningur á Englandi hjálpar ensku félögunum mikið á þessum lista.

Listinn lítur aðeins á hagnað félaganna á hverju ári en tekur ekki mið af skuldastöðu félaganna.

Ríkustu liðin á lista Deloitte:

1. Real Madrid

2. Man. Utd

3. Bayern München

4. Barcelona

5. PSG

6. Man. City

7. Chelsea

8. Arsenal

9. Liverpool

10. Juventus