Eldflaugum skotið á hótel þar sem ríkisstjórn Jemen heldur til

Eldflaugaárás var gerð á hótel í borginni Aden, þar sem forsætisráðherra Jemen og nokkrir aðrir ráðherrar í ríkisstjórn landsins halda til.

BBC greinir frá því að ótilgreindur fjöldi fólks hafi fallið í árásinni, en þó ekki meðlimir stjórnarinnar.

Stjórnin hefur nýtt hótelið frá því að stjórnarherinn náði borginni á sitt vald úr höndum uppreisnarmanna Húta í síðasta mánuði, sem lögðu borgina undir sig í mars síðastliðnum og gerðu ríkisstjórnina útlæga til Sádi-Arabíu.