Viera heldur vestur um haf

Patrick Vieira skrifaði í dag undir þriggja ára samning við bandaríska MLS-liðið New York City FC og verður næsti knattspyrnustjóri þess.

Vieira, sem gerði garðinn frægan með Arsenal á sínum tíma, hefur starfað hjá Manchester City eftir að leikmannaferlinum lauk, nú síðast sem þjálfari U-21 liðs City.

Hann er 39 ára gamall Frakki en New York City er systurfélag Manchester City. Frank Lampard leikur með félaginu, sem og Andrea Pirlo og David Villa.

„Ég er himinlifandi með að vera að taka að mér starf aðalþjálfara New York City FC. Þetta væri spennandi verkefni fyrir hvaða þjálfara sem er,“ sagði Vieira.

New York City komst í úrslitakeppni MLS-deildarinnar á sínu fyrsta tímabili í deildinni en féll úr leik í henni. Liðið leikur heimaleiki sína á Yankee-leikvanginum í Bronx-hverfi New York borgar.