Hættustigi vegna Skaftárhlaups aflétt
Ríkislögreglustjóri og lögreglustjórinn á Suðurlandi hafa í samráði við vísindamenn ákveðið að aflétta hættustigi vegna Skaftárhlaups. Hættustigi var lýst yfir í byrjun mánaðar vegna kröftugs hlaups úr eystri Skaftárkatli í Vatnajökli.
Hlaupið jókst mun hraðar en sést hafði í fyrri hlaupum og fljótlega varð ljóst að þetta yrði stærsta hlaup sem mælst hafi. Umferðarmannvirki og ræktarland skemmdust og enn er verið að meta áhrif á brúna yfir Eldvatn hjá Ásum, en verulega gróf frá undirstöðum hennar, að því er segir á vef Almannavarna.
Tengdar fréttir
Jöklabreytingar ógna brú á hringveginum
Bændur í Álftaveri óttast að brúna yfir Skálm á Mýrdalssandi geti tekið af. Áin hefur margfaldast.
Óljóst hvort bændur fái tjón vegna Skaftárhlaups bætt
Bóndi á svæðinu furðar sig á því að lög um viðlagatryggingu eigi ekki við um jökulhlaup.
Hlaupið séð úr lofti - Myndir
Skaftárhlaupið sem nú er í rénum er það langstærsta sem mælingar ná til frá 1955.
Undirstöðurnar illa farnar undir brúnni
Brúnni yfir Eldvatn hjá Ásum var lokað í dag vegna þess hvað aurflóðið úr Skaftárjökli hefur grafið mikið undan brúnni.
