Innlent

"Þetta er gleðidagur fyrir þjóðina alla"

Vaka Hafþórsdóttir skrifar
Við undirritunina á Landspítalanum í dag
Við undirritunina á Landspítalanum í dag Mynd/stöð 2
Alls bárust fjögur tilboð í fullnaðarhönnun meðferðarkjarna vegna nýbygginga við Landspítalann. Lægsta tilboðið átti Corpus sem bauð tæpa 1,4 milljarða króna. Er það rúmlega helmingur af upphaflega áætluðum kostnaði, sem hljóðaði upp á rúma 2,7 milljarða.

Corpus hópurinn samanstendur af fjórum fyrirtækjum, en þau eru Basalt arkitektar, Hornsteinar arkitektar, verkfræðistofa Jóhanns Indriðasonar og VSÓ ráðgjöf



Meðferðarkjarninn er einn af fjórum nýbyggingum sem áformað er að reisa við Hringbraut og jafnframt sú stærsta þeirra, eða 58.500 m². Byggingin mun vera á sex hæðum auk kjallara og mun hún jafnframt tengjast öðrum byggingum á Landspítalalóðinni innbyrðis.

„Þetta er gleðidagur fyrir þjóðina alla" segir Páll Matthíasson, forstjóri Landspítalans en jafnframt telur hann samninginn skipta Landspítalann gífurlegu máli því nú sé hægt að vinna að lokahönnun spítalans. 


Tengdar fréttir

Ekki nokkur spurning um nýjan spítala við Hringbraut

Heilbrigðisráðherra segir það ekki nokkra spurningu að nýbyggingar Landspítala muni rísa við Hringbraut. Málið hefur velkst í pólitíkinni í þrettán ár. Forsætisráðherra segir staðsetninguna ekki hafa verið samþykkta á Alþingi.

Framkvæmdir hefjast í sumar

„Okkur er ekkert að vanbúnaði. Það er öllum ljóst að Landspítalinn getur ekki búið mikið lengur við núverandi aðstæður, hvorki sjúklinganna né starfsfólksins vegna. Lélegur húsakostur er farinn að standa starfseminni fyrir þrifum en nú er tækifæri til að snúa vörn í sókn,“ segir Kristján Þór Júlíusson heilbrigðisráðherra.

Bjarni á móti einkaframkvæmd við fjármögnun nýs spítala

Fjármálaráðherra er mótfallinn því að Landspítalinn fari í einkaframkvæmd eins og með eignatryggðri fjármögnun. Hann segir almennt ekki hafa gefist vel að einkaaðilar byggi tekjumódel sitt á leigugreiðslum ríkisins. Ólíklegt er að nýr spítali verði reistur fyrir eigið fé ríkisins á næstunni.

Mest lesið


Fleiri fréttir

Sjá meira


×

Mest lesið