Sprengjumaðurinn í Taílandi talinn hluti af stærra teymi

Maðurinn sem stjórnvöld í Taílandi grunar að hafa komið fyrir sprengju við Erawan-helgidóminn í höfuðborg landsins er talinn vera hluti af teymi sem stóð á bak við árásina.

Ríkislögreglustjóri landsins sagði á blaðamannafundi í nótt að allt að tíu manns tilheyrðu þessu teymi.

Talsmaður stjórnvalda sagði ólíklegt að um alþjóðleg hryðjuverkasamtök væri að ræða en maðurinn er talinn vera útlendingur. Búið er að láta lýsa eftir manninum í gegnum alþjóðalögregluna Interpol.