91 árs maður ákærður fyrir kókaínsmygl

Lögregla í Ástralíu hefur kært 91 árs gamlan mann sem tekinn var á flugvellinum í Sydney með 4,5 kíló af kókaíni í farangri sínum.

Maðurinn segir að smyglarar sem hann hitti á ferð sinni um Indland hafi platað hann til að taka efnin með sér til Ástralíu.

Lögregla veitti manninum athygli eftir að hafa fundið 27 pakka af sápu í farangri mannsins þegar hann var kominn til Ástralíu eftir flug frá Nýju-Delí. Reyndist um kókaín að ræða.

Maðurinn, sem starfaði áður sem skurðlæknir, kom fyrir dómara fyrr í dag og var síðar sleppt gegn tryggingu. Ástralskir fjölmiðlar segja manninn hafa fullyrt að kunningjar hans í Nýju-Delí hafi beðið sig um að koma pakkanum til Ástralíu.

Saksóknari segir það ekki duga að segja að hann hafi ekki vitað að um fíkniefni væri að ræða. Farangur sé á ábyrgð þess sem fer með hann í flug.

Verði maðurinn fundinn sekur á hann yfir höfði sér allt að lífstíðarfangelsi.