28 handteknir eftir fjölmenn mótmæli á Norðurbrú

Tuttugu og átta voru handteknir í morgun vegna óláta sem áttu sér stað á Norðurbrú í Kaupmannahöfn aðfaranótt sunnudags.

Hópurinn „GadeFest KBH“ hafði safnast saman um klukkan tíu á laugardagskvöldi í mótmælaskyni við hvernig hverfið er að þróast. Hópurinn aðhyllist stefnu „Reclaim the streets“ eða „Endurheimtum göturnar“ sem hefur gengið út á að mótmæla kapítalisma í borginni. Um tvöhundruð manns komu á mótmælin.

Nokkrir í hópnum tóku að kasta molotov kokteilum, steinum og flöskum í lögregluna með þeim afleiðingum að tjón varð á nærliggjandi byggingum.

Rannsókn á málinu er í fullum gangi. Tveir af þeim tuttugu og átta sem handteknir voru verða færðir fyrir dómara og krafist gæsluvarðhalds á þeim vegna alvarlegra skemmdarverka. Lögreglan handtók ekki aðeins fólkið heldur framkvæmdi húsleit á fjölda staða í höfuðborginni. Áfram verður leitað að fólki sem tók þátt í skemmdarverkunum.

Sgu langt ude! Jeg bor på Nørrebro, og de, der mener de tog gaden tilbage på mine vegne har gjort een ting: Hærværk! https://t.co/4puEmjMeFS

— Christine Antorini (@Antorini123) August 9, 2015

Idioter på Nørrebro i nat. Folk kan komme til skade! Og hvis der var et budskab, er det da overskygget nu http://t.co/Z68S3VSg7K #NejTilVold

— Pernille Skipper (@PSkipperEL) August 9, 2015