Snarpur jarðskjálfti vakti íbúa San Francisco

Jarðskálfti upp á 4.1 á styrk vakti íbúa San Francisco nú fyrir skemmstu.

Skjálftinn átti sér stað klukkan 06.49 að staðartíma og var miðja hans skammt frá Berkley og Oakland. Upptök hans voru á um fimm kílómetra dýpi. 

Jarðskjálftar eru tíðir á svæðinu en Kaliforníuríki liggur á flekaskilum Kyrrahafs- og Norður-Ameríkuflekans. Árið 1906 varð til að mynda stór skjálfti sem nánast eyddi San Francisco. Árið 1989 varð síðan skjálfti upp á sjö að styrk sem olli skemmdum upp á sex milljarða dollara.

Engar fregnir hafa borist af tjóni eða meiðslum í kjölfar skjálftans en íbúar borgarinnar hafa verið duglegir við að gantast með hann á Twitter.

#SanFrancisco #earthquake, little wake up call to start the morning.

— Scott Parkin (@sparki1969) August 17, 2015

Looks like San Francisco was a bad place to hold the Etch-A-Sketch national finals.

— Renna (@RennaW) August 17, 2015

and a good morning to you too, san francisco. #earthquake

— emily ward (@_drawylime) August 17, 2015