Forsætisráðherra Ísraels fordæmir íkveikjuárás

Benjamin Netanyahu, forsætisráðherra Ísrael, hefur fordæmt íkveikjuárás sem átti sér stað á Vesturbakka Palestínu í nótt. 18 mánaða ungabarn lést er kveikt var í tveimur húsum í bænum Duma. Foreldrar barnins, bróðir og annað barn slösuðust einnig.

Ísraelskir landtökumenn eru grunaðir um verknaðinn en m.a. var orðið hefnd ritað á hebronsku á vegg annars hússins.

PM: This is an act of terrorism in every respect. The State of Israel takes a strong line against terrorism regardless of the perpetrators.

— PM of Israel (@IsraeliPM) July 31, 2015

Ísraelski herinn leitar árásarmannana en slíkar árásir hafa færst í aukana. Talið er að öfgamenn séu með árásunum að hefna fyrir árásir á landtökubyggðir Ísraela á Vesturbakkanum.

Ísraelskir landtökumenn lentu í átökum við ísraelska lögreglu á miðvikudag þegar hálfbyggðar blokkir þeirra voru rifnar niður á landtökusvæðinu Beit-El. Hæstiréttur Ísrael hafði úrskurðað að blokkirnar hefðu verið byggðar ólöglega á palestínsku landssvæði.

Frelssisamtök Palestínu, PLO, líta svo á að ísraelska ríkisstjórnin beri fulla ábyrgð á árásunum.

We hold the Israeli Government fully responsible for the brutal assassination of the toddler Ali Saad Dawabsha (1,5 years old)

— Palestine PLO - NAD (@nadplo) July 31, 2015

Sérstakur sendifulltrúi Sameinuðu þjóðanna, Nickolay Mladenov, staðsettur í Jerúsalem fordæmdi árásarinar harkalega.

„Ég er hneykslaður á þeim íkveikjuárásum sem áttu sér stað í dag. Ég tek undir orð ísraelskra og palestínskra yfirvalda sem hafa harðlega fordæmt árásirnar. Árásirnar voru gerðar í pólitískum tilgangi og bera vitni um það hversu mikilvægt er að það finnist lausn finnist á deilunni án tafar.“