Emil lagði upp mark í jafntefli gegn Juventus

Emil Hallfreðsson lék allan leikinn í liði Hellas Verona sem gerði 2-2 jafntefli við Juventus í síðasta leik sínum á þessari leiktíð. Emil lagði upp fyrra mark Verona í leiknum sem Luca Toni skoraði.

Juventus komst yfir með marki Roberto Pereyra og staðan í hálfleik var 1-0 fyrir Ítalíumeistara Juventus. Toni jafnaði metin eftir undirbúning Emils á 48. mínútu áður en Fernando Llorente kom Juventus aftur yfir. Það var svo Juan Taleb sem náði að jafna fyrir Verona í uppbótartíma.

Langt er síðan Juventus tryggði sér sigur í ítölsku deildinni. Verona er hins vegar í 13. sæti þegar þetta er skrifað.