Farage dregur afsögn sína til baka

Nigel Farage, leiðtogi Breska sjálfstæðisflokksins (UKIP), hefur dregið afsögn sína til baka. Farage segir segir miðstjórn UKIP einróma hafa farið fram á að hann starfaði áfram sem formaður flokksins.

Þetta kemur fram á vef breska blaðsins Guardian.

Farage tilkynnti á föstudaginn að hann hugðist segja af sér sem leiðtogi flokksins. Farage náði ekki kjöri á breska þingið í þingkosningunum á fimmtudaginn og hafði áður heitið því að láta af formannsembætti ef svo færi.

Fjórar milljónir breskra kjósenda greiddu UKIP atkvæði sitt sem skilaði sér þó einungis í einu þingsæti vegna kosningakerfisins í Bretlandi.