Lést eftir að hún missti símann sinn í baðkarið

Rússnesk kona lést í baðkari í íbúð sinni eftir að hún missti iPhone-símann sinn í baðkarið sem var í hleðslu á meðan hún baðaði sig.

Meðleigjandi konunnar fann hana en hún fór inn á baðherbergið þar sem henni fannst konan hafa verið óvenju lengi í baði.

„Ég fór inn og sá hana liggja í baðkarinu. Hún var náföl og síminn var í vatninu líka. Ég náði að toga hana upp úr en líkaminn hennar skalf allur vegna sjokksins,“ er haft eftir meðleigjandanum.

Sjúkraflutningamenn sem komu á staðinn reyndu að lífga konuna við en án árangurs. Ekki liggur endanlega fyrir hver dánarorsök hennar en flest bendir til þess að hún hafi látist vegna raflostsins.