Vilks telur sig hafa verið skotmarkið

„Mér er alls ekki brugðið vegna þessa atviks,“ sagði sænski skopmyndateiknarinn Lars Vilks við AP-fréttaveituna þegar leitað var viðbragða hans vegna skotárásarinnar í Kaupmannahöfn fyrr í dag. Lögreglan í Kaupmannahöfn leitar árásarmannsins sem er talinn bera ábyrgð á þessu ódæði en fertugur dani féll í árásinni og þrír lögreglumenn særðust.

Forsætisráðherra Dana, Helle Thorning-Schmidt fordæmdi árásina í kvöld og sagði hana vera hryðjuverkaárás.

Vilks var einn af skipuleggjendur ráðstefnu um guðlast og tjáningarfrelsi í Krudttønden-leikhúsinu á Austurbrú í Kaupmannahöfn þar sem árásin var gerð. Vilks hefur áður verið hótað lífláti vegna skopmynda hans af Múhameð spámanni. Hann sagðist telja að hann hefði verið skotmark árásarmannsins.

Vilks taldi árásina í dag tengjast árásinni á franska blaðið Charlie Hebdo en einn af starfsmönnum blaðsins tjáði sig um ódæðið í Danmörku með orðunum: „Við erum öll dönsk í kvöld“.