Réðust á Twitterreikning Bandaríkjahers

Hópur hakkara hliðhollur hryðjuverkasamtakanna ISIS hefur ráðist á tölvukerfi miðlægrar stjórnstöðvar Bandaríkjahers (Centcom) og Twitterreikning þess. Hópurinn náði að senda út nokkrar Twitterfærslur áður en reikningnum var lokað.

Í einu skilaboðanna var greint frá því að fylgst væri með bandarískum hermönnum þar sem stóð „American soldiers, we are coming, watch your back“.

Í frétt BBC kemur fram að talsmaður Bandaríkjahers segi að „viðeigandi ráðstafanir“ hafi verið gerðar vegna málsins, en Bandaríkjaher hefur nú látið lokað reikningnum.

Talsmaður Bandaríkjastjórnar segirleggur áherslu á að mikill greinarmunur sé á stærri tölvuárás og að ráðast á Twitterreikning.

Árásin er gerð á sama tíma og Barack Obama Bandaríkjaforseti undirbýr flutning mikilvægrar ræðu um tölvuöryggi.

YouTube-reikningi Centcom hefur nú jafnframt verið lokað.