Í dómssal með þrjú börn í ísköldum bílnum fyrir utan

Bandarískur karlmaður hefur verið kærður vegna brots á barnalögum eftir að hafa skilið ung börn sín eftir í bílnum í köldu veðri í rúma klukkustund á meðan hann var sjálfur í dómssal. Börnin eru fimm ára, þriggja ára og níu mánaða.

Lögreglumaðurinn Bruce Apotheker segir að vegfarandi hafi gert lögreglu kunnugt um aðstæður barnanna sem voru föst í bíl sem hafði verið lagt skammt frá dómshúsinu í bænum Newton í Massachusetts.

AP greinir frá því að mjög kalt hafi verið í veðri, um fimm stiga frost, og að bílnum hafi verið læst og ekki í gangi. Börnin voru flutt á sjúkrahús til rannsóknar.

Faðir barnanna er 38 ára og sagði fulltrúum yfirvalda frá því að hann hafi einungis verið inni í dómshúsinu í tólf mínútur. Lögregla hafnar þessu og segja hann hafa verið inni í rúma klukkustund.