Totti skrifaði slösuðum stuðningsmanni bréf og gaf honum fyrirliðaband

Francesco Totti, leikmaður Roma, er toppmaður og hann sannaði það enn eina ferðina á dögunum.

Þá frétti hann af sænskum stuðningsmanni Roma sem hefði slasast alvarlega í bílslysi. Totti vildi gera eitthvað fyrir hann.

Hann reif því fram lyklaborðið og skrifaði stuðningsmanninum bréf ásamt því að senda honum áritað fyrirliðaband.

Í bréfinu óskar Totti honum góðs bata og hvetur hann til dáða í sinni endurhæfingu. Að lokum segist Totti hlakka til að sjá hann á heimavelli Roma í framtíðinni.

Totti fær klárlega plús í kladdann fyrir þessa framkomu.