Bale þaggaði niður í baulinu

Gareth Bale sá um Levante í kvöld en Bale skoraði bæði mörk Real Madrid í 2-0 sigri á Levante.

Fyrra markið kom eftir átján mínútna leik en þá skoraði Bale með laglegu skoti innan úr teignum.

Bale fagnaði með því að halda fyrir eyrun á sér í ljósi þess að stuðningsmenn Real hafa verið duglegir að baula á liðið undanfarið. Sérstaklega hafa þeir baulað mikið á hann.

Hann bætti svo við öðru marki fyrir hlé þegar Cristiano Ronaldo skaut í hann og inn. Loksins hlutirnir að falla með honum á ný. Staðan 2-0 í hálfeik og Madrídingum mistókt að bæta við fleiri mörkum í þeim síðari. Lokatölur 2-0.

Eftir sigurinn er Real stigi á eftir Barcelona sem er á toppnum, en Levante er í átjánda sæti.