Auður sýnir í glugga

Auður Ómarsdóttir, myndlistarkona og kærasta bardagakappans Gunnars Nelson, opnar þann 1. nóvember  sýninguna „Enter. Space.“ í Wind and Weather Window Gallery sem er til húsa á Hverfisgötu 37 í miðbæ Reykjavíkur.

Sýningin er í formi innsetningar með ljósum og teikningum en svarthol, ormagöng og hringformið veittu Auði meðal annars innblástur. Sýningarrými gallerísins er fremur óhefðbundið en það er stór gluggi sem vísar út á Hverfisgötu.

Sýningin er því opin gestum og gangandi allan sólarhringinn næstu tvo mánuði og aðgangur ókeypis.