Viðræður um sjóböð við Húsavíkurhöfða

Félagið Sjóböð efh. sem sækist eftir að koma upp og reka aðstöðu við norðan og austan við vitann á Húsavíkurhöfða er að hefja viðræður við bæjaryfirvöld í Norðurþingi um lóð og nauðsynlegar breytingar á skipulagi.

Fram kom á fundi bæjarstjórnar að nýta eigi heitt vatn úr borholum á svæðinu. „Efnasamsetning vatnsins er talin heilsusamleg væntanlegum baðgestum,“ segir í bókun bæjarstjórnar þar sem einnig er upplýst að síðar verði mögulega byggt heilsuhótel í tengslum við sjóböðin.