Lögregla yfirheyrir lækna

Læknar í Västernorrland í Svíþjóð vinna svo mikið að lögreglan hefur hafið rannsókn vegna þess. Fjöldi lækna hefur tilkynnt um samtals sjö þúsund yfirvinnutíma undanfarin tvö ár.

Samkvæmt vinnutímalöggjöfinni er leyfilegt að vinna 200 yfirvinnutíma á ári. Leyfilegt er að vinna 150 yfirvinnutíma til viðbótar krefjist aðstæður þess. En í Västnorrland eru dæmi um lækna sem hafa unnið 600 yfirvinnutíma á ári. Samkvæmt fréttum sænskra fjölmiðla fagna læknar rannsókn lögreglunnar.