Spilling kostar milljónir lífið

Samtökin ONE, sem berjast gegn fátækt í heiminum, hvetja leiðtoga tuttugu stærstu iðnríkja heims til þess að grípa til harðra aðgerða gegn spillingu, peningaþvætti, mútum og skattsvikum.

Í nýrri skýrslu segja samtökin að spilling í heiminum kosti fátækustu lönd heims meira en þúsund milljarða Bandaríkjadala á ári, eða um það bil 115.000 milljarða króna. 1.000 milljónir Bandaríkjadala er meira en samanlagður árshagnaður 86 stærstu fyrirtækja heims.

Samtökin segja að með þessu fé væri hægt að koma í vega fyrir allt að 3,6 milljónir dauðsfalla í heiminum.

„Þróunarlöndin tapa þúsund milljörðum dala á hverju ári vegna peningaþvættis, mútugreiðslna og skattsvika, og hinn harði sannleikur er sá að í mörgum tilfellum auðveldar stefna G20 ríkjanna þetta peningastreymi frá fátæku löndunum.

Fulltrúar samtakanna kynntu skýrsluna í Ástralíu í gær, en þar í landi verður næsti leiðtogafundur G20-ríkjanna haldinn í nóvember.