Fórust í sjálfsmorðssprengingu

Að minnsta kosti tólf fórust og 26 særðust þegar sjálfsmorðssprengjuárás var gerð á mosku sjíta-múslima í austurhluta Bagdad, höfuðborgar Íraks, í gær

Að sögn lögreglumanns var árásin gerð þegar múslimarnir voru að yfirgefa moskuna eftir bænastund á svæði Nýju-Bagdad.



Síðan fyrr á þessu ári hefur hópi súnní-múslima vaxið fiskur um hrygg í Írak með aðstoð íslamska ríkisins og súnní-vígamanna sem hafa tekið yfir stjórnina á ákveðnum svæðum í vestur- og norðurhluta landsins. Ástandið í Írak hefur versnað enn frekar síðan lýst var yfir íslömsku ríki á svæðunum sem hópurinn lagði undir sig.