Ástralíustjórn íhugar inngrip

Áströlsk stjórnvöld íhuga nú að grípa inn í mál taílenskrar staðgöngumóður, sem tók að sér að eignast barn fyrir ástralskt par.

Konan fæddi tvíbura en annað barnið var með Downs-heilkenni og hjartagalla. Ástralska parið vildi hins vegar aðeins fá heilbrigða tvíburann. Staðgöngumóðirin sinnir nú barninu og sagði Scott Morrison, innanríkisráðherra Ástralíu, hana vera algera hetju og sannkallaðan dýrling.

Hann hefur nú haft samband við taílensk stjórnvöld í von um að eitthvað verði hægt að gera fyrir móðurina, en segir að löggjöf tengd málinu sé á afar gráu svæði.