Tók upp þegar maður reyndi að ræna hann

Ferðalangur sem hjólaði um Buenos Aires náði því á myndband þegar maður reyndi að ræna hann og otaði að honum byssu.

Ferðalangurinn heitir Mike Graziano og á vef Telegraph kemur fram að hann ætli sér að heimsækja 195 lönd á ferðalagi sínu um heiminn. Maðurinn reyndi að ræna Graziano mætti honum á hjólreiðastíg í hverfi í Buenos Aires sem Graziano segir að sé fremur hættulegt. Maðurinn var á mótorhjóli og elti Graziano uppi. Ferðalangurinn reyndi að flýja en ræninginn hljóp á eftir honum og reyndi að taka upp byssu sína.

Graziano náði að lokum að flýja og náði tali af lögreglumanni. Hann hafði skilið hjólið sitt eftir í átökunum við ræningjann og þurfti að fá lánað hjól frá öðrum til þess að komast í burtu frá manninum, eins og sjá má á myndbandinu.

Ræninginn bað Graziano um bakpokann hans, en Graziano skilur ekki mikið í spænsku og skildi ekki ræningjann. Graziano hélt að maðurinn væri að biðja um hjólið sem hann var á. Graziano kallaði ræningjann „amigo“ sem þýður vinur á spænsku, til þess að reyna að ná til hans.

Myndbandið má sjá hér að neðan.