Þúsundir fylgdu Ramos til grafar

Þúsundir lögreglumanna komu saman í dag til að minnast lögreglumannanna sem skotnir voru til bana í Brooklyn í síðustu viku. Lögreglumennirnir komu víða að, frá öllum ríkjum í Bandaríkjunum og Kanada og var minningarathöfnin í átta klukkustundir. Í kjölfarið var lögreglumanninum, Rafael Ramos, fylgt til grafar.

Lögreglumennirnir tveir voru við skyldustörf í Brooklyn í New York þegar vopnaður maður skaut þá til bana. Árásarmaðurinn svipti sig lífi skömmu síðar. Sá hafði áður hótað því að skjóta lögreglumenn.

Ramos var kvæntur, faðir tveggja drengja.