Ronaldo ekki með gegn Grikklandi

Cristiano Ronaldo gat ekki æft með portúgalska landsliðinu í fótbolta í gær og missir af landsleik þjóðar sinnar gegn Grikklandi sem leikinn verður í dag.

Portúgal er að undirbúa sig fyrir heimsmeistarakeppnina í Brasilíu en verður að undirbúa sig án helstu stjörnu sinnar sem hefur átt við meiðsli að stríða síðustu mánuði.

Ronaldo lék mikilvæga leiki fyrir Real Madrid í Meistaradeild Evrópu þrátt fyrir meiðslin og segir Paulo Bento að meiðslin muni ekki koma í veg fyrir að Ronaldo verði klár í slaginn gegn Þýskalandi í fyrsta leik Portúgals á HM.

„Hann verður með okkur en tekur ekki þátt í leiknum,“ sagði Bento eftir æfingu Portúgals í gær og staðfesti einnig að Pepe, liðsfélagi Ronaldo hjá Real Madrid, verði hvíldur í leiknum.

„Ég vil ekki setja þá á leikmenn að þeir verði að keppa þegar þeir eru ekki standi til þess.

„Heilsa leikmanna gengur fyrir og ég vil að hann verði í sem bestu formi án þess að taka neina áhættu,“ sagði Bento sem bætti við að það setti enga sérstaka pressu á Portúgal að vera með Ronaldo í sínu liði.

„Þó við séum með besta leikmann heims þá þýðir það ekki að við eigum að verða heimsmeistarar. Okkar fyrsta markmið er að komast í 16 liða úrslit.“