AZ ekki í Evrópudeildina

Groningen lagði AZ Alkmaar með þremur mörkum gegn engu í umspili um sæti í Evrópudeildinni að ári.

Tjaronn Chery skoraði tvö mörk fyrir Groningen og Hans Hateboer eitt. Aron Jóhannsson og Jóhann Berg Guðmundsson léku báðir allan leikinn fyrir AZ. Þetta var síðasti leikur Jóhanns fyrir AZ, en hann yfirgefur félagið að tímabilinu loknu.

Fyrri leiknum lauk með markalausu jafntefli og Groningen vann því einvígið 3-0, samanlagt.

Groningen komst í umspilsleikina með því að vinna Vitesse í tveimur leikjum, samanlagt 5-1. AZ hafði betur gegn Heerenveen, 4-0 samanlagt.