Ég er bara strákur í fótbolta

Brasilíumaðurinn Neymar forðast að láta bera sig saman við goðsögnina Pele og segist bara vilja fá að spila fótbolta.

Neymar er á mála hjá Barcelona og verður í stóru hlutverki með landsliði Brasilíu á HM sem fer fram þar í landi í sumar.

„Mér er heiður sýndur með því að bera mig saman við Pele en hann er konungur fótboltans. Ég er bara strákur sem vill spila fótbolta,“ sagði Neymar í samtali við Wall Street Journal í Bandaríkjunum.

„Við finnum fyrir pressu í öllu því sem við tökum okkur fyrir hendur. Þannig er líf íþróttamannsins. Oft eru mikil ábyrgð sett á herðar okkar þar sem við erum fyrirmyndir fyrir ungt fólk.“

„Ég hef fundið fyrir mínum skammti af pressu en það verður mér og mínu fólki mikil ánægja að fá að spila á HM í mínu heimalandi. Knattspyrnan er hluti af sálu fólksins í Brasilíu.“