NATO "stendur með Úkraínumönnum“

Aðildarríki NATO „standa með Úkraínu“ í deilunni við Rússa og saka Rússa um tilraunir til að draga úr stöðugleika í austurhluta Úkraínu.

Á leiðtogafundi NATO sem fram fer í Cardiff í Wales í dag var þess krafist að Rússar kölluðu hersveitir sínar til baka frá Úkraínu og bindi enda á „ólöglega“ innlimun Rússa á Krímskaga.

Í frétt breska ríkisútvarpsins er haft eftir breskum embættismönnum að nýjar viðskiptaþvinganir ESB-ríkja og Bandaríkjanna gegn Rússum verði kynntar á föstudaginn.

Petró Pórósjenkó Úkraínuforseti og leiðtogar aðildarsinna segja að samkomulag um vopnahlé gæti náðst á morgun.

Rúmlega 2.600 hafa látið lífið í átökum úkraínska stjórnarhersins og aðskilnaðarsinna sem eru á bandi Rússa. Að sögn talsmanna Úkraínuhers hafa 837 hermenn fallið frá því að átök hófust í aprílmánuði.

Anders Fogh Rasmussen, framkvæmdastjóri NATO, hvatti Rússa feta braut friðar í stað þess ágreinings. Segir Rasmussen samband NATO og Úkraínu vera „sterkt“ og að aðildarríki NATO væru ákveðin í að efla það enn frekar.

Rússar hafa hafnað því að útvega aðskilnaðarsinnum vopn og að hafa sent rússneskar hersveitir inn í Úkraínu.