Hollendingar birta skýrslu um malasísku vélina í Úkraínu

Hollenskir sérfræðingar ætla í dag að birta bráðabirgðaniðurstöður vegna rannsóknar á hrapi malasísku vélarinnar í austurhluta Úkraínu.

Margt bendir til þess að vélin hafi verið skotin niður með öflugum loftvarnareldflaugum en 298 létu lífið í árásinni þar af 193 hollenskir ríkisborgarar.

Rannsóknin hefur gengið hægt vegna átakanna í Úkraínu en stjórnvöld í Kænugarði hafa sakað Rússa um að bera ábyrgð á árásinni. Rússar hafa hins vegar vísað þessum ásökunum á bug.