Áhorfandi varð fyrir eldingu

Áhorfandi varð fyrir eldingu fyrir leik Columbus Crew og FC Dallas í MLS-deildinni í Bandaríkjunum. Áhorfandinn var fluttur á sjúkrahús.

Don Lewis, stuðningsmaður Columbus Crew, sagði í samtali við The Columbus Dispatch að hann hafi verið á salerninu þegar hann heyrði eitthvern kalla á salerninu fyrir hliðiná að hringja strax í neyðarlínuna.

„Allt í einu varð sprenging. Ég vissi að þetta væri í nágrenninu. Það var eins og maður yrði rafmagnaður," sagði Lewis og hélt áfram.

„Ég sá manninn liggja á gólfinu þegar ég labbaði út. Hann var allur fjólublár og skyrtan var rifin utan af honum."

Eldingin og ausandi rigningin skall á stundarfjórðungi áður en leikurinn átti að hefjast og varð því leiknum frestað. Stuðningsmönnum var sagt að yfirgefa leikvanginn.

Leikurinn verður spilaður í dag klukkan 14 að bandarískum tíma, en vonast er til að hann klárist áður en þrumurnar eiga að hefjast á ný.