Samninganefnd sveitarfélaganna lagði fram tilboð á samningafundi með tónlistarkennurum í morgun.
Verkfall tónlistarkennara hefur nú staðið í nærri fjórar vikur en í síðustu viku virtist vera komin upp algjör pattstaða í deilunni. Boðað var nokkuð óvænt til fundarins í dag. Magnús Pétursson, ríkissáttasemjari, segir tónlistakennara nú vera að fara yfir tilboðið.
„Samninganefnd sveitarfélaganna lagði fram nýtt tilboð, heildstætt tilboð, til tónlistarkennaranna og það tilboð eru tónlistakennarar að skoða þessa stundina og við munum hittast aftur klukkan hálf þrjú,“ segir Magnús.
Hann vonast til að tilboðið verði grundvöllur til að halda samningaviðræðum áfram en um vika er frá síðasta fundi deiluaðila.
„Ég held að það sé gerð tilraun til þess að leggja fram boð sem að vonandi er hægt að halda áfram samningum um, “ segir Magnús
Tónlistarkennarar með tilboð á borðinu
Tengdar fréttir
„Ætlunin virðist vera að staðsetja okkur lægra í launum en aðra kennara“
Verkfall tónlistarkennara hefur nú staðið yfir í tæpar tvær vikur. Sigrún Grendal er döpur vegna stöðunnar í viðræðunum.
Verkfall tónlistarkennara: Algjör pattstaða í kjaradeilunni
Síðasti fundur í kjaradeilunni var á mánudaginn. Ríkissáttasemjari segir að ekki sé tilefni til að boða til fundar með deiluaðilum fyrr en eitthvað nýtt kemur kemur fram.
Illa gengur að semja
Ekkert gekk í samningviðræðum þegar að samninganefndir Félags tónlistarskólakennara og Sambands íslenskra sveitarfélaga komu til sáttafundar hjá Ríkissáttarsemjara í gær.
