Neyðarboð frá ferju með 700 manns um borð

Neyðarboð hefur borist frá flutningaskipi undan strönd grísku eyjarinnar Korfú vegna gruns um að vopnaðir menn séu um borð. Talið er að nokkur hundruð ólöglegra innflytjenda séu um borð í skipinu.

Talsmenn grískra yfirvalda staðfesta að neyðarboð hafi borist frá skipinu Blue Sky M sem siglir undir moldóvskum fána.

Í frétt Reuters segir að þyrlur og bátar grísku landhelgisgæslunnar séu á leið á staðinn.

Gríska sjónvarpsstöðin SKAI segir að allt að 700 manns séu um borð í skipinu, þó að aðrar heimildir segja 400 manns vera um borð.