Vinnustöðvun hefst á ný á miðnætti

Fundi lækna og viðsemjenda lauk á þriðja tímanum í dag hjá Ríkissáttasemjara. Fundurinn hófst klukkan tíu í morgun og var annar boðaður strax klukkan þrjú á morgun. Tveggja daga verkfallslota hefst á miðnætti. 

Mjög langt er á milli deiluaðila samkvæmt heimildum fréttastofu. Verkfallið hófst þann 27.október og hefur því staðið í um tólf vikur. Næsta verkfallslota hefst á miðnætti í kvöld og nær yfir mörg svið. Þetta eru læknar á aðgerðarsviði, rannsóknarsviði og kvenna- og barnasviði Landspítalans auk lækna á heilsugæslustöðvum á höfuðborgarsvæðinu og á heilbrigðisstofununum á landsbyggðinni.

Fleiri vinnustöðvarnir verða ekki fyrir áramót en vinnustöðvanir verða þéttari ef ekki semst fyrir áramót. Líklegt er að verkfallsboðun á fleiri stofnunum sem læknar starfa á verði einnig strax eftir áramót, eins og á Greiningarstöðinni, Heyrna- og talmeinastöðinni, Sjónstöðinni og hjá Sjúkratryggingum.

Í vinnustöðvunum núna, mánudag og þriðjudag, verður bráðaþjónustu sem fyrr sinnt á Spítölum og heilsugæslunni og Læknavaktin verður sem fyrr opin frá því seinni part dags. Yfirlæknar heilsugæslanna verða til taks en á þær stærstu koma um hundrað manns á dag til að hitta lækni.