Innlent

Rannsókn á mannsláti í Breiðholti að mestu lokið

Aðalsteinn Kjartansson skrifar
Maðurinn var leiddur fyrir dómara þar sem hann var úrskurðaður í gæsluvarðhald.
Maðurinn var leiddur fyrir dómara þar sem hann var úrskurðaður í gæsluvarðhald. Vísir / Stefán
Tæplega þrítugur karlmaður sem grunaður er um að hafa ráðið konu sinni bana í Stelkshólum í Breiðholti hefur þrívegis verið yfirheyrður. Enn er geðrannsókn á honum ólokið en ekki liggur fyrir hvenær henni mun ljúka.

Þetta segir Kristján Ingi Kristjánsson, aðstoðaryfirlögregluþjónn hjá lögreglunni á höfuðborgarsvæðinu. Hann segir rannsókn málsins vera að mestu lokið.

Maðurinn var handtekinn á heimili sínu 28. september síðastliðinn eftir að maður sem hinn grunaði var í sambandi við tilkynnti lögreglu um andlátið. Maðurinn var í kjölfarið úrskurðaður í gæsluvarðhald til 17. október næstkomandi í Héraðsdómi Reykjavíkur.

Samkvæmt heimildum fréttastofu hefur maðurinn staðfastlega neitað sök í málinu. Í tilkynningu lögreglu kom fram að konan hafi látist eftir að þrengt hafði verið að öndunarvegi hennar. Samkvæmt heimildum fréttastofu var notast við einhverskonar band eða snæri við verknaðinn.


Tengdar fréttir

Segir eiginkonu sína hafa svipt sig lífi

Maðurinn sem grunaður er um að hafa orðið eiginkonu sinni að bana í Stelkshólum á laugardag, heldur því fram að konan hafi tekið eigið líf. Hann hefur staðfastlega haldið fram sakleysi sínu í skýrslutökum hjá lögreglu.

Geðrannsókn á manninum hafin

Maðurinn sem grunaður er um að hafa orðið eiginkonu sinni að bana undirgengst nú geðmat en yfirheyrslur yfir honum eru enn ekki hafnar.

Eiginmaðurinn leiddur grátandi út af lögreglu

Maðurinn sem úrskurðaður var í gæsluvarðhald í gær, grunaður um að hafa orðið eiginkonu sinni að bana, neitar sök. Hjónunum er lýst sem venjulegu fjölskyldufólki. Vinur þeirra hringdi í Neyðarlínuna.

Heldur enn fram sakleysi

Engar formlegar yfirheyrslur hafa verið yfir manninum sem grunaður er um að hafa orðið konu sinn að bana í Stelkshólum þann 27. september.

Talinn hafa kyrkt konuna

Börn hjónanna, tveggja og fimm ára voru á heimilinu, en þeim hefur verið komið í viðeigandi umönnun hjá barnaverndaryfirvöldum.

„Virkilega vinalegt og gott fólk“

Nágranni hjónanna í Stelkshólum í Breiðholti segir allt hafa verið með kyrrum kjörum á stigaganginum í gærkvöld. Hann talaði við hjónin síðdegis í gær og sagði ekkert benda til þess að harmleikur væri yfirvofandi.

Mest lesið


Fleiri fréttir

Sjá meira


×

Mest lesið