„Hvað er þessi Baltasar Kormákur að vilja upp á dekk?“

„Hvað er þessi Baltasar Kormákur að vilja upp á dekk?“ byrjar bloggfærsla Jónasar Kristjánssonar, á vefsíðu sinni í dag þar sem ritstjórinn fyrrverandi vandar Framsóknarflokknum ekki kveðjurnar.

„Framsókn hefur sjálf leyst framtíðarvanda unga fólksins með fyrirhugaðri áburðarverksmiðju. Getur þessi maður ekki hætt að ráfa um hverfi 101 í lopapeysu og drekka latté? Getur hann ekki fengið sér heiðarlega vinnu, til dæmis í áburðarverksmiðju Framsóknar eða úti í Vestmanneyjum hans Elliða?“ heldur Jónas áfram og vísar þar til þingsályktunar Þorsteins Sæmundssonar, þingmanns Framsóknarflokksins, sem lagði aftur fram á dögunum þingsályktun um að ríkið kanni svo fljótt sem verða má hagkvæmni og möguleika þess að reisa áburðarveksmiðju. Hann flutti samskonar þingsályktunartillögu síðasta vetur.

„Fram unga fólk undir Framsóknar merki, hér á þjóðin örugga von. Ísland þarf ekki á auðnuleysingjum að halda, svona afætum á vinnandi fólki. Þetta hefst af stjórnlausri sóun peninga í alls konar menningu og annan óþarfa. Íslendingar hafa aldrei lifað á menningu, fuss. Og enga mosku, takk; við erum Íslendingar.“