Efnahagsþvinganir gegn Rússum

Forseti Úkraínu, Petró Pórosjenkó segist bjartsýnn á að hægt verði að ná samkomulagi við Rússa sem leiða myndi til friðar í austurhéruðum Úkraínu þar sem menn hafa borist á banaspjót frá því í apríl.

Viðræður um vopnahlé munu hefjast í Hvíta Rússlandi í dag um hádegisbil og þar taka þátt fulltrúar frá Úkraínu, Rússlandi og menn úr hópi aðskilnaðarsinna. Leiðtogafundur NATO stendur enn yfir í Wales og þar hafa menn lýst því yfir að hert verði enn frekar á efnahagsþvingunum í garð Rússa, skili friðarviðræðurnar í Hvíta Rússlandi ekki viðundandi árangri.