Innlent

Styður aðgerðir Bandaríkjanna í Írak

Snærós Sindradóttir skrifar
Sigmundur Davíð Gunnlaugsson og Anders Fogh Rasmussen takast í hendur fyrir utan ráðherrabústaðinn í dag.
Sigmundur Davíð Gunnlaugsson og Anders Fogh Rasmussen takast í hendur fyrir utan ráðherrabústaðinn í dag. VÍSIR/GVA
Framkvæmdastjóri Atlantshafsbandalagsins, Anders Fogh Rasmussen, sagðist á blaðamannafundi í ráðherrabústaðnum við Tjarnargötu í dag styðja auknar hernaðaraðgerðir Bandaríkjanna í Írak. 

Aðgerðir Bandaríkjanna hafa meðal annars falið í sér loftárásir á það svæði sem samtökin IS, Íslamskt land, hafa tekið undir sig. Uppgangur samtakanna á svæðinu hefur leitt til þess að þúsundir eru á flótta. 

Á fundinum sagði Anders meðal annars að meðlimir IS væru ekkert nema "hellingur af hryðjuverkamönnum." 

Anders er staddur hér á landi í boði Sigmundar Davíðs Gunnlaugssonar forsætisráðherra. Heimsóknin er hans síðasta í embætti framkvæmdastjóra Atlantshafsbandalagsins en hann lætur af störfum í lok næsta mánaðar. 

Að loknum fundinum með forsætisráðherra og blaðamönnum hélt Anders á fund Gunnars Braga Sveinssonar utanríkisráðherra. Hann leggur áherslu á að Ísland taki stöðu með Atlantshafsbandalaginu og gegn utanríkisstefnu Rússlands. Búast má við því að sú afstaða hans verði rædd á fundi hans með utanríkisráðherra í dag. 


Tengdar fréttir

Hundruðir þúsunda á flótta

Sameinuðu þjóðirnar segja tugþúsundir manna, kvenna og barna enn hafast við, við þröngan kost á Sinjar fjalli og þurfa lífsnauðsylega á aðstoð að halda.

Loftárásir Bandaríkjahers hófust í dag

Bandarískar hersveitir hófu í dag loftárásir á Írak eftir að Barack Obama Bandríkjaforseti boðaði hernaðaraðgerðir gegn IS-hreyfingunni í nótt.

Obama ánægður með nýjan forsætisráðherra Íraka

Obama Bandaríkjaforseti segir að skipun Haider al-Abadi í embætti forsætisráðherra í Írak sé skref fram á við sem lofi góðu. Uppgangur herskáu samtakanna sem kalla sig Íslamska ríkið og ráða nú lögum og lofum á stórum landssvæðum í Írak og í Sýrlandi hafa aukið mjög á óvissuna um framtíð Íraks.

Bandarískir ráðgjafar komnir til Íraks

Rúmlega 130 bandarískir hernaðarráðgjafar eru nú komnir til Kúrdahéraðanna í Írak. Þetta segir Chuck Hagel varnarmálaráðherra landsins. Hann ítrekar þó að hermennirnir taki ekki þátt í bardögum heldur séu þeir að meta ástandið og þörfina á neyðaraðstoð en samtökin sem kalla sig Íslamska ríkið ráða yfir stórum hlutum svæðisins og eru talin hafa ráðist hatrammlega að minnihlutahópum af annarri trú.

35 þúsund flóttamenn hafa komist frá Sinjar-fjalli

Um 35 þúsund flóttamenn hafa nú komist af Sinjar-fjalli þar sem þúsundum flóttamanna hefur verið haldið í herkví af samtökunum IS, Íslamskt ríki. Flóttamennirnir, sem flestir eru Jasídar, hafa farið fótgangandi til Kúrdistan í norðurhluta Íraks í gegnum Sýrland, en ferðin tekur um þrjá daga.

Mest lesið


Fleiri fréttir

Sjá meira


×

Mest lesið