Viltu gista í húsi Ronaldinho í Rio á meðan HM er?

Ronaldinho varð fyrir miklum vonbrigðum þegar hann var ekki valinn í leikmannahóp Brasilíu fyrir heimsmeistarakeppnina þar í landi í sumar. Hann sá sér þó leik á borði og ætlar að græða á glæsivillu sinni.

Ronaldinho ætlar að leigja húsið sitt í Rio de Janeiro fyrir rúmlega 1,7 milljón króna nóttina. Húsið er með glæsilegra móti. Með fimm svefnherbergi, útisundlaug og gufubaði. Hægt er að leigja húsið á vefsíðunni Airbnb.com.

Húsið sem inniheldur sex salerni er í Barra da Tijuca hverfinu sem er fyrir innan varið hlið.

Hver sá sem leigir húsið þarf að punga út 114 þúsund króna tryggingu en húsinu fylgir grill, aðgangur að kjallara og bjórkælir. Reikingar eru aðeins leyfðar utan húss og leigjendur geta nýtt sér þjónustufólk á staðnum.