Fótbolti

Sjúkraþjálfari Englands meiddist í fagnaðarlátum

Gary Lewin var borinn af velli í gærkvöldi.
Gary Lewin var borinn af velli í gærkvöldi. Vísir/Getty
Enska landsliðið í knattspyrnu varð ekki einungis fyrir miklu áfalli inni á vellinum í gærkvöldi þegar liðið lá, 2-1, fyrir Ítalíu, því eftir leikinn staðfesti landsliðsþjálfarinn Roy Hodgson að sjúkraþjálfari liðsins, Gary Lewin, væri á heimleið vegna meiðsla.

Lewin meiddist í fagnaðarlátunum eftir jöfnunarmark Daniels Sturridge á 38. mínútu. Hann stökk þá upp, lenti á vatnsflösku og sneri sig á ökkla. Lewin var borinn af leikvelli og nú er ljóst að hann er leið aftur til Englands vegna þessara meiðsla.

Lewin, sem er fimmtugur, var áður sjúkraþjálfari hjá Arsenal í á þriðja áratug. Hann hefur starfað fyrir enska landsliðið frá árinu 1996.

 




Tengdar fréttir

Balotelli tryggði Ítölum sigur

Ítalía vann England með tveimur mörkum gegn einu í öðrum leik dagsins í D-riðli heimsmeistaramótsins í Brasilíu.




Fleiri fréttir

Sjá meira


×