Lífið

Schoolboy Q fær góða dóma fyrir tónleika um helgina

Kjartan Atli Kjartansson skrifar
Schoolboy Q hélt tónleika á Nýja Sjálandi um helgina.
Schoolboy Q hélt tónleika á Nýja Sjálandi um helgina. Vísir/Getty
Rapparinn Schoolboy Q, sem kemur fram á Secret Solstice tónlistarhátíðinni, fékk frábæra dóma fyrir tónleika sem hann hélt á Nýja Sjálandi um helgina. Í dómnum kom fram að stemningin á tónleikunum hafi verið frábær, auk þess sem gagnrýnandinn gaf áhorfendum þrjú ráð sem nýtast þeim þegar þeir mæta á tónleika hjá rapparanum.

Stemningin var þannig, að sögn gagnrýnandans, að hlífar utan um ljósabúnað hrundu niður úr loftinu.

Schoolboy Q kemur fram á sunnudaginn á Secret Solstice hátíðinni.

Hlífar hrundu niður úr loftinu

„Rapparinn skemmti af svo miklum krafti að nokkrar hlífar utan um ljósabúnað hrundu niður úr loftinu,“ segir gagnrýnandi The New Zealand Herald um tónleikana sem Schoolboy Q hélt á föstudagskvöldið í Campbell Center í Auckland.

Gagnrýnandinn setti fram þrjú ráð sem hann vill gefa tónleikagestum rapparans í framtíðinni. Í fyrsta lagi segir hann gestum að passa sig á hlutum sem gætu hrunið úr loftinu, því stemningin sé svo góð. Í öðrum lagi hvetur hann fólkí fremstu röðunum að passa sig að það líði ekki yfir það. Rapparinn sé vís til að gera góðlátlegt grín af því og jafnvel láta bera fólkið upp á svið svo allir geti séð það.

Í þriðja lagi hvatti gagnrýnandinn þá áhorfendur sem fá að koma upp á svið til rapparans, til þess að reykja ekki neitt sem er á borðunum í kringum plötusnúðinn. Einn tónleikagesturinn sem var dreginn upp á svið til Schoolboy Q í Auckland ætlaði að skemmta sér ennbetur og kveikti sér í sígarettu sem var á sviðinu. Stuttu seinna var hann rifinn niður af öryggisvörðum. Þetta féll ekki í kramið hjá rappstjörnunni bandarísku, sem fæddist í Þýskalandi árið 1986.

Dómurinn gefur því góð fyrirheit um hvers ber að vænta frá rapparanum á Secret Solstice hátíðinni.

Annars sagði gagnrýnandinn að Schoolboy Q hafi haldið eftirminnilega tónleika í Auckland. Rapparinn er orðin ein af stærstu stjörnum rappsins og var meðal annars valinn nýliði ársins á BET verðlaunahátíðinni fyrr á árinu. Lögin Man of the Year og Collard Greens hafa vakið mikla athygli og hefur verið hlustað á þau oftar en 20 milljón sinnum hvort á Youtube-síðu rapparains.

Hér að neðan má sjá myndbandið við lagið Collard Greens, sem Schoolboy Q gerði ásamt rappstjörnunni Kendrick Lamar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.