Neyðarlegt jafntefli gegn Lúxemborg

Ítalir gerðu jafntefli gegn Lúxemborg í seinasta vináttuleik sínum fyrir Heimsmeistaramótið. Gríðarlegur styrkleikamunur er á liðunum en alls munar 103. sætum á liðunum á styrkleikalista FIFA.

Claudio Marchisio, leikmaður Juventus á Ítalíu kom Ítölum yfir í upphafi leiks en Maxime Chanot jafnaði metin þegar skammt var til leiksloka.

Ekki eru miklar væntingar gerðar til Heimsmeistaranna frá árinu 2006 en ljóst er að þeir þurfa að gera mun betur í Brasilíu.

Holland lagði Wales 2-0 í seinasta æfingarleik sínum fyrir Heimsmeistaramótið sem hefst í næstu viku. Gareth Bale var ekki í leikmannahóp Wales í dag.

Arjen Robben skoraði fyrra mark Hollendinga í leiknum áður en Jeremain Lens bætti við öðru marki í seinni hálfleik. Louis Van Gaal hvíldi Robin Van Persie í seinni hálfleik en sigurinn var aldrei í hættu í dag.

Hollendingar hefja leik á föstudaginn í næstu viku í Brasilíu með stórleik þar sem þeir mæta Spánverjum.

Úrslit:

Holland 2-0 Wales

Ítalía 1-1 Lúxemborg