Bandaríkjamenn njóta ekki alltaf virðingar

Bob Bradley, fyrrverandi landsliðsþjálfari Bandaríkjanna og Egyptalands, segir að Arsenal hafi ekki einu einni pælt í að kaupa son sinn, MichaelBradley, í janúar því hann er bandarískur.

Bradley er landsliðsmaður Bandaríkjanna og er á leið á HM í Brasilíu. Hann er einn besti leikmaður sinnar þjóðar og átti gott tímabil með Roma á Ítalíu áður en hann fór til Toronto FC í MLS-deildinni í janúar.

Arsenal vantaði miðjumann í janúar og fékk til sín Svíann Kim Källström á lánssamningi. Það að Bradley sé Bandaríkjamaður kom í veg fyrir að hann fengi tækifæri eins og Källström.

„Bandarískir leikmenn og þjálfarar þurfa berjast virkilega fyrir því að njóta virðingar,“ sagði Bob Bradley í hlaðvarpsþætti í Bandaríkjunum.

„í janúar var Arsenal að leita að miðjumanni og þeir völdu Kim Källström. Hann er ekki slakur leikmaður en Michael finnst hann klárlega vera betri leikmaður. En ArseneWenger finnst það greinilega ekki líkt og Ivan Gazidis (eiganda Arsenal).

„Stundum, sama hvað þú gerir, nýturðu ekki þeirrar virðingar sem þú telur þig eiga skilið,“ segir Bob Bradley.