Endurhæfingin gengur vel

Luis Suarez er byrjaður að skokka aðeins tveimur vikum eftir að hann fór í aðgerð vegna hnémeiðsla.

Suarez tók létta æfingu með styrktarþjálfara landsliðs Úrúgvæ í gær sem tók alls 25 mínútur og innihélt skokk og léttar teygjur.

Suarez meiddist á æfingu með landsliðinu og fór í aðgerð 22. maí síðastliðinn. Hann hefur misst af tveimur æfingarleikjum en vonast til þess að ná fyrsta leik á Heimsmeistaramótinu þegar Úrúgvæ mætir Kosta Ríka.

Oscar Tabarez, þjálfari landsliðs Úrúgvæ, var ekki tilbúinn að segja hvort Suarez yrði tilbúinn eða ekki fyrir fyrsta leik mótsins.