Cafu: Þýskaland leikur til úrslita

Brasilíumaðurinn Cafu hefur mikla trú á Þjóðverjum á HM í sumar.

"Þýskaland er með mjög sterkt lið," sagði Cafu.

"Fólkið hér í Brasilíu er mjög hrifið af þýska landsliðinu. Það hefur dafnað vel," sagði landsliðsfyrirliðinn fyrrverandi, en hann telur að heimamenn muni mæta Þjóðverjum í úrslitaleiknum á Maracana 13. júlí.

"Við trúum öll á úrslitaleik gegn Þýskalandi. Þeir munu örugglega komast þangað."

Cafu lék á fjórum heimsmeistaramótum með Brasilíu á árunum 1994-2006 og varð tvisvar heimsmeistari (1994 og 2002). Enginn leikmaður hefur oftar verið í sigurliði á HM en hann, eða 16 sinnum.