Innlent

Eldur í ísbirni á Laugavegi

Gunnar Reynir Valþórsson skrifar
Myndin tengist efni fréttarinnar ekki beint.
Myndin tengist efni fréttarinnar ekki beint. Visir/Vilhelm

Eldur kom upp í nótt í ísbirninum sem margir þekkja og staðið hefur fyrir framan búð á Laugavegi um árabil.

Slökkvilliðið sendi allt tiltækt lið á vettvang enda hafði eldurinn náð að læsa sig í klæðningu hússins. Vel gekk þó að slökkva eldinn og koma í veg fyrir meira tjón. Ísbjörninn er þó illa farinn og líklegast ónýtur. Ekki er ljóst á þessari stundu með upptök eldsins og verður málið væntanlega sent til rannsóknar lögreglu.

Á sama tíma og útkallið var í gangi var síðan tilkynnt um mikinn svartan reyk í grennd við Grafarholtið. Í ljós kom að reykurinn stafaði frá dekkjum sem kveikt hafði verið í við Hádegismóa.

Að öðru leyti var nóttinn nokkuð erilsöm hjá sjúkraflutningamönnum og var farið í tuttugu og fimm flutninga. Það þykir nokkuð mikið á sunnudagsnóttu, en líta verður til þess að skemmtistaðir voru opnir eins og um helgi hefði verið að ræða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.